2025-ci ilin I rübündə Bakı Gəmiqayırma Zavodunda “Ro-Pax” və “Tanker” tipli gəmilərin tikinti göstəricilərində ötən ilin eyni dövrü ilə müqayisədə əhəmiyyətli artım müşahidə olunub – müvafiq olaraq 56,32% və 66,97%-ə çatıb.

AZCON Holding-ə məxsus Bakı Gəmiqayırma Zavodunda FHN üçün xüsusi təyinatlı xilasedici və “VİXR” tipli yanğınsöndürən gəminin inşasına başlanılıb. Gəmi 50.8 metr uzunluğa malik olacaq və 2025-ci ildə zavodda tikilən sayca 10-cu gəmi olacaq.

“Damen Shipyards” tərəfindən layihələndirilən və Bakı Limanının sifarişi ilə inşa olunan “Mühəndis Soltan Kazımov” adlı dəniz dibdərinləşdirən gəmi bu gün Bakı Gəmiqayırma Zavodunda üzən tərsanə vasitəsilə suya buraxılıb. Gəminin inşası tam başa çatıb, sınaqlar isə yanalma körpüsündə davam edəcək.

Prezident İlham Əliyev yanvarın 28-də keçirilən müşavirədə Bakı Gəmiqayırma Zavodunun əhəmiyyətini vurğulayaraq qeyd edib ki, hazırda zavodda altı gəmi inşa edilir və bu addım Azərbaycanın xarici asılılığını aradan qaldırmaqla yanaşı, iqtisadi imkanlarını da artırır.

Damen Shipyards Gorinchem B.V. Bakı Gəmiqayırma Zavodunda Bakı Limanının sifarişi ilə tikilən və dənizdə dibdərinləşdirmə işləri həyata keçirəcək gəmi barədə reportaj yayımlayıb. Layihə üzrə inşaat işləri davam edir.